Памятныя манеты "Беларусь – Кiтай. 20 гадоў дыпламатычных адносiн"

Нацыянальны банк Рэспублiкi Беларусь 3 студзеня 2012 г. уводзiць у абарачэнне памятныя манеты "Беларусь – Кiтай. 20 гадоў дыпламатычных адносiн":
срэбную – намiналам 20 рублёў, пробай сплаву 925, масай 33,63 г, дыяметрам 38,61 мм;
медна-нiкелевую – намiналам 1 рубель, масай 13,16 г, дыяметрам 32,00 мм.

Манеты маюць форму круга, з пярэдняга i адваротнага бакоў – кант, якi выступае па акружнасцi. Бакавая паверхня манет з насечкай.

	Аверс: у крузе, абрамленым геаметрычным арнаментам, – рэльефны вiдарыс Дзяржаўнага герба Рэспублiкi Беларусь, пад iм – год чаканкi (на срэбнай – проба сплаву); па крузе надпiсы: уверсе – РЭСПУБЛIКА БЕЛАРУСЬ, унiзе – 20 РУБЛЁЎ (на срэбнай) i 1 РУБЕЛЬ (на медна-нiкелевай).
	Рэверс: на фоне дэкаратыўнага пано з сiмваламi дзвюх краiн – выява стылiзаванай пячаткi, унутры якой па крузе надпiсы: БЕЛАРУСЬ – КIТАЙ i 20 ГАДОЎ ДЫПЛАМАТЫЧНЫХ АДНОСIН; у цэнтры – дзве далонi ў дружалюбным рукапацiсканнi.

Манеты адчаканены на АТ "Манетны двор Польшчы": срэбная – якасцю "пруф", медна-нiкелевая – "пруф-лайк". Тыраж срэбнай манеты – 1500 штук, медна-нiкелевай – 2000 штук.

Памятныя манеты, выпушчаныя ў абарачэнне, з’яўляюцца законным плацежным сродкам Рэспублiкi Беларусь, абавязковым да прыёму па намiнальным кошце пры ўсiх вiдах плацяжоў без усялякiх абмежаванняў.

Упраўленне iнфармацыi
Нацыянальнага банка Рэспублiкi Беларусь